Общество 01.04.2023 в 09:36

Евгений Козулиной зохёохы замда зорюулагдаһан үдэшэдэ Сергей Дорош хабаадаба

A- A+
Евгений Козулиной зохёохы замда зорюулагдаһан үдэшэдэ Сергей Дорош хабаадаба
Ородой Холбоото Уласай уран зохёолшодой холбооной гэшүүн, Ородой Холбоото Уласай сурбалжалагшадай холбооной гэшүүн, шүлэгшэн Евгений Козулиной зохёохы замда зорюулагдаһан үдэшэ Н.Г.Дамдиновай нэрэмжэтэ Улаан-Үдэ хотын номой санда үнгэрбэ.

Буряад Уласай Арадай Хуралай зүгһөө можонууд хоорондын харилсаанай, үндэһэ яһатанай асуудалнуудай, залуушуулай бодолгын, олониитын ба шажанай нэгэдэлнүүдэй талаар хорооной түрүүлэгшын орлогшо Сергей Дорош Евгений Козулиниие ойн баяраарнь амаршалһан байна.

«Ойн баяраа угтажа байхадаа, арад зонойнгоо дунда хүндэтэй, ямбатайгаар ябанат. Хуби заяанай жамын ёһоор ажабайдалай хүндэ дабаануудые гаталжа шадаат. Хаанашье хүдэлхэдөө, ажалша, бэрхэ байһанаа харуулжа, өөрынгөө дуратай ажалые һайнаар ябуулжа, үнэн сэхээр ябанат», - гээд Арадай Хуралай һунгамал Сергей Дорош хэлээ.

Евгений Козулин болбол, хэдэн номуудай автор юм.  «Канун», «Синевысь», «Поклон», «Янтарный родник», «Иван-чай» гэһэн номудай суглуулбари олон уншагшадай зүрхэ сэдьхэл эзэлжэ шадаһан байна.

«Танай уран зохёолой зам бусадһаа илгаатай, өөрын онсо маягтай. Шүлэг бүхэнтнай гүн удхатай. Элдэб сэдэбүүдээр бэшэгдэһэн зохёолтнай олондо һайшаагдадаг гэжэ мэдээжэ. Саашадаа уншагшадаа баярлуулжа, бүри олон шүлэг зохёожо ябахыетнай хүсэнэб», - гээд Сергей Дорош амаршалба.

Фото: Хурал Бурятии
Теги
хурал

Читайте также

В Улан-Удэ сотрудники администраций осматривают пострадавшие от паводка участки
Соответствующее поручение дал мэр города Игорь Шутенков
19.04.2024 в 17:29
«Суперджету» приделали российские «ноги»
В Новосибирске в 2025 году закончат испытания самолета SSJ New
19.04.2024 в 17:04
В Бурятии наградили Почетных доноров России
Мероприятие приурочено к празднованию «Национального дня донора»
19.04.2024 в 16:53
В Бурятии пройдет «Неделя раннего выявления сахарного диабета»
С 22 по 26 апреля горожане смогут бесплатно проверить уровень сахара в крови
19.04.2024 в 16:36
Следующая новость
© 2012 — 2024
Редакция газеты GAZETA-N1.RU
Все права защищены.