Политика и власть
01.10.2026 в 19:08
Буряад Уласай Арадай Хуралай Түрүүлэгшэ Владимир Павлов Саха Яхад Уласай Ил Түмэнэй парламентын Түрүүлэгшэ Алексей Еремеевтэй уулзаба
Фото: Хурал Бурятии
Буряад Уласай Арадай Хурал ба Саха Яхад Уласай Ил Түмэнэй парламент суг хамта хүдэлхэ талаар үнинэй хэлсээ баталанхай. 1996 ондо анха түрүүшынхиеэ хэлсээ баталагдажа, 2019 ондо саарhа дансань шэнэлэгдэhэн юм. Хуулиин ябуулгын талаар хоёр уласай парламент харилсаа холбоотойгоор хүдэлдэг байна. Энэ уулзалгын үедэ татабариин ба бюджедэй талаар хуулинууд тухай мүн хоёр региондо хабаатай бэрхэшээлтэ асуудалнуудые федеральна хэмжээн дээрэ зүбшэн хэлсэхэ талаар хөөрэлдөөн эмхидхэгдээ. Уулзалгын дүнгүүдээр саг ошохо бүри иимэ уулзалгануудые эмхидхэжэ, мэдээсэлнүүдээрээ, мүн дүй дүршэлөөрөө хубаалдажа байха тухай хөөрэлдөөн үнгэрhэн байна.
Теги
хурал
