Общество
07.11.2022 в 16:37
Арадай Хуралай һунгамалай шанда хүртэхын мүрысөөн үнгэрбэ
Буряад Уласай Арадай Хуралай һунгамал Анатолий Кушнарёвай шанда хүртэхын түлөө шатараар мүрысөөн үхибүүдэй дунда үнгэрбэ.
- Тарбагатайн аймагай захиргаантай суг энэ хэмжээ ябуулга эмхидхэһэн байнабди. 2 жэл соо энэ турнир болоогүй байна. Хорон хамшагһаа боложо, мүрысөөниие үнгэргэжэ шадаагүйбди. Шатар наадан хадаа үхибүүдэй ухаан бодолые хүгжөөдэг гээшэ. Олон тээһээ үхибүүд ерээ. Шатар хадаа ехэ хэрэгтэй спортын зүйл болоно, - гэжэ Анатолий Кушнарёв хэлэнэ.
Тарбагатайн, Ивалгын, Загарайн, Захааминай аймагуудһаа, мүн Улаан-Үдэ хотоһоо 50 гаран хабаадагшад ерэһэн байна. Доодо Саянтын һургуулиин шэнэ байшан соо мүрысөөн эмхидхэгдээ.
- Манай һургуулида шатарай хэшээлдэ олон үхибүүд ябаха дуратай. «Точка роста» гэһэн түсэлэй ёһоор, шатарай үнгэрдэг таһалга шэнэ түхеэрэлгэнүүдээр хангагдаһан байна. Яков Мижитдоржиев багшатаяа олон юумэндэ һурана. Шатарай мүрысөөн үндэр хэмжээндэ үнгэрнэ. Манай һунгамал иимэ турнир эмхидхэжэ, үхибүүдые дэмжэжэ байһандань, аргагүй баяртайбди, - гэжэ Доодо Саянтын һургуулиин захирал Баир Митыпов хэлэнэ.
Буряад Уласай Арадай Хуралай һунгамал Анатолий Кушнарёвай шанда Лев Антохонов ба Амита Маланова гэгшэд хүртөө. 6 наһатай Матвей Саловаровта «эгээл эдир хабаадагша» гэһэн номинацида һунгамалай зүгһөө шан барюулагдаһан байна.
Фото: Хурал Бурятии
- Тарбагатайн аймагай захиргаантай суг энэ хэмжээ ябуулга эмхидхэһэн байнабди. 2 жэл соо энэ турнир болоогүй байна. Хорон хамшагһаа боложо, мүрысөөниие үнгэргэжэ шадаагүйбди. Шатар наадан хадаа үхибүүдэй ухаан бодолые хүгжөөдэг гээшэ. Олон тээһээ үхибүүд ерээ. Шатар хадаа ехэ хэрэгтэй спортын зүйл болоно, - гэжэ Анатолий Кушнарёв хэлэнэ.
Тарбагатайн, Ивалгын, Загарайн, Захааминай аймагуудһаа, мүн Улаан-Үдэ хотоһоо 50 гаран хабаадагшад ерэһэн байна. Доодо Саянтын һургуулиин шэнэ байшан соо мүрысөөн эмхидхэгдээ.
- Манай һургуулида шатарай хэшээлдэ олон үхибүүд ябаха дуратай. «Точка роста» гэһэн түсэлэй ёһоор, шатарай үнгэрдэг таһалга шэнэ түхеэрэлгэнүүдээр хангагдаһан байна. Яков Мижитдоржиев багшатаяа олон юумэндэ һурана. Шатарай мүрысөөн үндэр хэмжээндэ үнгэрнэ. Манай һунгамал иимэ турнир эмхидхэжэ, үхибүүдые дэмжэжэ байһандань, аргагүй баяртайбди, - гэжэ Доодо Саянтын һургуулиин захирал Баир Митыпов хэлэнэ.
Буряад Уласай Арадай Хуралай һунгамал Анатолий Кушнарёвай шанда Лев Антохонов ба Амита Маланова гэгшэд хүртөө. 6 наһатай Матвей Саловаровта «эгээл эдир хабаадагша» гэһэн номинацида һунгамалай зүгһөө шан барюулагдаһан байна.
Фото: Хурал Бурятии
Теги
хурал
