Общество
20.06.2023 в 09:58
Владимир Павлов: «Тимур Очиров тухай дурасхаал манай зүрхэ сэдьхэлдэ хэтын хэтэдэ үлэхэ»
Сэрэгэй тусхай операцида наһа бараһан Бэшүүрэй аймагай Шэбэртэ нютагай хүбүүн Тимур Балданович Очировта зорюулагдаһан дурасхаалай самбар нээгдэбэ. Энэ хэмжээ ябуулгада Буряад Уласай Арадай Хуралай Түрүүлэгшэ Владимир Павлов хабаадаһан байна.
«Шэбэртэ нютагайнгаа баатар хүбүүнэй мүнхэ дурасхаалда зорюулжа, мемориальна самбар нээжэ байнабди. Тимур Очиров Эсэгэ Ороноо хамгаалжа ябатараа, алдалан унаһаниинь ехэл харамтай байна. Эрэлхэг зүрхэтэй иимэ хүбүүе түрэжэ, хүмүүжүүлһэн гэртэхиндэнь баяраа мэдүүлнэб. Тимур Балданович тухай дурасхаал манай зүрхэ сэдьхэлдэ хэтын хэтэдэ үлэхэ», - гээд Владимир Павлов хэлэбэ.
Нютагайнгаа залуу хүбүүе дурсахаяа олон зон суглараа. Суг һураһан нүхэдынь, аба эжынь, түрэл гаралынь, багшанарынь ерэжэ, дулаан үгэнүүдые хэлээ.
Шэбэртэ нютагай һомоной гулваа Цырен-Дондок Шоймполов ерэһэн зондо хандажа, Тимур тухай хөөрэжэ үгөө. Мобилизациин эхилһэн түрүүшын үдэрһөө сэрэгэй тусхай операцида өөрын дураар ошохо тухай тэрэ мэдүүлһэн байна.
Тимур Очировой дурасхаалда зорюулагдаһан нютаг можо хоорондын боксоор турнир Шэбэртэдэ үнгэрһэн байна. Энэ хэмжээ ябуулгада 60 гаран тамиршан уласай аймагуудһаа ба Забайкалиин хизаарһаа ерэжэ хабаадаа.
Фото: Хурал Бурятии
«Шэбэртэ нютагайнгаа баатар хүбүүнэй мүнхэ дурасхаалда зорюулжа, мемориальна самбар нээжэ байнабди. Тимур Очиров Эсэгэ Ороноо хамгаалжа ябатараа, алдалан унаһаниинь ехэл харамтай байна. Эрэлхэг зүрхэтэй иимэ хүбүүе түрэжэ, хүмүүжүүлһэн гэртэхиндэнь баяраа мэдүүлнэб. Тимур Балданович тухай дурасхаал манай зүрхэ сэдьхэлдэ хэтын хэтэдэ үлэхэ», - гээд Владимир Павлов хэлэбэ.
Нютагайнгаа залуу хүбүүе дурсахаяа олон зон суглараа. Суг һураһан нүхэдынь, аба эжынь, түрэл гаралынь, багшанарынь ерэжэ, дулаан үгэнүүдые хэлээ.
Шэбэртэ нютагай һомоной гулваа Цырен-Дондок Шоймполов ерэһэн зондо хандажа, Тимур тухай хөөрэжэ үгөө. Мобилизациин эхилһэн түрүүшын үдэрһөө сэрэгэй тусхай операцида өөрын дураар ошохо тухай тэрэ мэдүүлһэн байна.
«Балдан Борисович ба Нимасу Цыденжаповтанай гэр бүлэдэ ори ганса хүбүүн байгаа юм. Тимур Очиров һургуулияа түгэсөөд, агротехникумда һуража дүүргэһэнэй удаа, түрэл нютагаа бусажа, хүдөө ажахы эрхилжэ, өөрын фермэ байгуулһан байна. Үхэр малайнгаа тоо толгой олон болгожо шадаа. Урагшаа һанаатай нютагаймнай хүбүүн Эхэ ороноо хамгаалжа ябатараа, наһа бараһандань ехэл голхорноб», - гээд тэрэ тэмдэглээ.
Тимур Очировой дурасхаалда зорюулагдаһан нютаг можо хоорондын боксоор турнир Шэбэртэдэ үнгэрһэн байна. Энэ хэмжээ ябуулгада 60 гаран тамиршан уласай аймагуудһаа ба Забайкалиин хизаарһаа ерэжэ хабаадаа.
Фото: Хурал Бурятии
Теги
хурал
